منتديات الخانجى
هلا ومرحبا نورتنا يا الغالى اسعدنا تواجدك معنا
المواضيع الأخيرة
التبادل الاعلاني
احداث منتدى مجاني
أكتوبر 2018
الأحدالإثنينالثلاثاءالأربعاءالخميسالجمعةالسبت
 123456
78910111213
14151617181920
21222324252627
28293031   

اليومية اليومية


قصيدتي ( الخبر الجانا)

اذهب الى الأسفل

قصيدتي ( الخبر الجانا)

مُساهمة من طرف د. محمد طه منصور في السبت يونيو 18, 2011 8:33 pm



1



الخبر الجانا

الخبر الجانا وماسرانا

يشابي يشابي ووشايلو الريح

الحزن الخيم في اعماقنا

الخبر الجانا الليلة صحيح

الالم الوهم الندم الغطى حياتنا

القلب الاصبح في اعماقنا جريح

الطفل خطيئة اطلت ذات مساء

وليغفر ربي كل الاخطاء

*********************

الليل الطول الزمن اتحول

صبح الوال زي الآخر

وصبح الآخر زي الاول

الظلم الساد في البلد الآمن

المثل القيم الاخلاق

ياخسارة الليلة الحال اتدهور

خسارة الليلة الزمن اتبدل

والزول الكان قلناهو فبيل

مثلا اعلي يضوي الليل

وآسفاي اثمر ياليك

والثمرة خطيئة بترقد في الاحشاء

الثمرة خطيئة اطلت ذات مساء

وآسفاي .................

2

الدمعة بترقد في حدقات العين

والبلد الكان راجيهو سنين وسنين

البلد الشايل في اعماقو حنين

اصبح مفجوع

البلد اهتز والكون اهتز

الليل اتلفح صمت شديد

والصبح اتلفح حزن شديد

والعيد الجانا اصبح ماعيد

ياناس البلد الليلة العيد

اصبح ماعيد

الخبر الجانا الليلة جديد

الناس تتكلم

والناس بالطبع بتتكلم

الكلمة الهمسة

الخبر الالم

الحزن الدهشة

والخبر الجانا

وخلي حياتنا دوام مرتعشة

الخبر الماكان معقول

الليلة خلاص اصبح معقول

الموسم عدي فصول وفصول

والزول العكر لي دنيانا اصبح مجهول

والجرم الجاثم في الاحشاء

اصبح عمرو كبير

3

اصبح فوق للتسعة شهور

الزول الكان داخرنو قبيل

الحلم الامل الكان معقود

اتحطم روح اصبح ليهو قيود

الجرم الطله مع دنيانا

والاسم الجاي مع المولود

الزول الجاي في عز العتمة

الزول الجاي يزيد الظلمة

ايمو المولود

الخبر الجانا وفي دنيانا صبح موجود

اصبح مشهود

الفارس الجاي وشايل السيف

الفارس الجاي وقف في القيف

الاسم سمير

الام معروفة

الاب مجهول والجد مجهول

والزول الكان راجيهو زمان

الزول الكان عايش فرحان

اصبح حزنان

الجرح الخيم في اعماقو زمان زمان

اجرح الجرح صبح بركان

وكل الآمال

صبحت غابة من الاحزان

الخبر الجانا وماسرانا

4

يشابي يشابي وشايلو الليل

اصبح معروف

وفي الاحشاء شايلنو دليل

والطفل الجاي واسمو سمير

قلب دنيانا وماسرانا

الليل الاصبح زي الموت

والصبح الصار بيحاكي الليل

والحمل كبير

ابدا مابنقدر نتحمل

الحمل تقيل

النار النار

ياناس البلد النار

الخبر الجانا وخلى حياتنا دمار

الظلم الكان دائما مستور

الكان مدفون ضمن الاسرار

انفضح السر

انفضح السر واصبحلنا عار

والزول الجاي يستر العار

فارسا مغوار

الاب مجهول

والام مجهوله

الجد مجهول

والكل مجهول

والعرس التمة بلا اخبار

5

ستروبو العار

يوم الاتنين عقدو الحبلين

ستروهو العار

والطفل الجاي يتم كل المشوار

البلد الدهشة الرعشة

انين مكتوم

والزول الكان راجيهو قبيل

اصبح مظلوم

وكل السودان اصبح مظلوم

الموجة الغاضبة بقت ثورة

من اجل الجائع والمحروم

من جوف النيل

يطلع قنديل

يزيل العتمة يضوي الليل

لو كان اكتوبر او مارس

ديسمبر او كذبة ابريل

يعلو هتاف المظلومين المسحوقين

يموج الشارع بالتهليل

الله اكبر يابلد

احد احد

مافيك ولد

يزيل الظلمة يفرح جيل

صرخات الغغب العطشانة

تهتف بي اسم الحرية

6

جنبات الشارع تتكلم

سيطان العنج المخفية

تخرج من كل خباياها

تلهب اجسادنا المشوية

اصوات العسكر ترعبنا

تغتال شتلاتنا المروية

وصمودنا يقاوم في عزة

نيران الهمج الغجرية

جلاد الشعب طفح كيلو

قرر يحكمنا الفجرية

دوشتنا كلابو المسعوره

تنبح وتدور الدورية

تنهش اجسادنا الكملانة

تغتال احلامنا العذرية

اصوات الغبش المعدومين

تترنح عند العصرية

اشبا ه الناس المغبونة

تخرج في سرعة تشق الليل

ترفع اعلام الحرية

د. محمد طه منصور




_______________________________________________
معا لنغير وجه العالم .... حتى يليق بنا
avatar
د. محمد طه منصور
المشرف
المشرف

عدد المساهمات : 130
نقاط : 2948
تقييم : 13
تاريخ التسجيل : 18/05/2011
العمر : 56
الموقع : المملكة العربية السعودية - جدة

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى