منتديات الخانجى
هلا ومرحبا نورتنا يا الغالى اسعدنا تواجدك معنا
المواضيع الأخيرة
التبادل الاعلاني
احداث منتدى مجاني
أكتوبر 2018
الأحدالإثنينالثلاثاءالأربعاءالخميسالجمعةالسبت
 123456
78910111213
14151617181920
21222324252627
28293031   

اليومية اليومية


الخبر الجانا

اذهب الى الأسفل

الخبر الجانا

مُساهمة من طرف د. محمد طه منصور في الخميس نوفمبر 17, 2011 6:23 pm

الخبر الجانا

الخبر الجانا وماسرانا
يشابى يشابى
وشايلو الريح
الحزن الخيم فى اعماقنا
الخبر الجانا الليلة صحيح
الالم
الوهم
الندم
الغطى حياتنا
القلب الاصبح
فى اعماقنا جريح
الخبر الجانا حقيقة صحيح
الطفل القابع فى الاحشاء
الطفل خطيئة اطلت ذات مساء
وليغفر ربى كل الاخطاء
-----------------------------------
الليل الطول
الزمن اتحول
صبح الاول زي الآخر
وصبح الآخر زي الاول
الظلم الساد فى البلد الآمن
المثل القيم الاخلاق
ياخسارة الليلة الحال اتدهور
خسارة الليلة الزمن اتبدل
2
والزول الكان قلنهو قبيل
مثلا اعلى يضوى الليل
واسفاى اثمر ياليل
والثمرة خطيئة بترقد فى الاحشاء
الثمرة خطيئة اطلت ذات مساء
واسفاي 0000
الدمعة بترقد فى حدقات العين
والبلد الكان راجيهو سنين وسنين
البلد الشايل فى اعماقو حنين
اصبح مفجوع
البلد اهتز 000 والكون اهتز 000
الليل اتلفح صمت شديد
والصبح اتلفح حزن شديد
والعيد الجانا اصبح ماعيد
ياناس البلد الليلة العيد
اصبح ماعيد
الخبر الجانا الليلة جديد
الناس تتكلم
والناس بالطبع بتتكلم
الكلمة الهمسة
الخبر الالم
الحزن الدهشة
والخبر الجانا
وخلى حياتنا دوام مرتعشة
الخبر الماكان معقول
الليلة خلاص اصبح معقول
الموسم عدى فصول وفصول
3
والزول العكر لى دنيانا
صبح مجهول
الجرم الجاثم فى الاحشاء
اصبح عمرو كبير
اصبح فوق للتسعة شهور
الزول الكان داخرنو قبيل
الحلم الامل الكان معقود
اتحطم روح اصبح ليهو قيود
الجرم الطل مع دنيانا
والاسم الجاي مع المولود
الزول الجاي فى عز العتمة
الزول الجاي
يزيد الظلمة
اسمو المولود
الخبر الجانا
وفى دنيانا صبح موجود
اصبح مشهود
الفارس الجاي وشايل السيف
الفارس الجاي وقف فى القيف
الاسم سمير
الام معروفة
الاب مجهول
والجد مجهول
والزول الكان راجيهو زمان
الزول الكان عايش فرحان
اصبح ندمان .. اصبح حزنان
الجرح الخيم فى اعماقو
4
زمان وزمان
انجرح الجرح
انجرح الجرح صبح بركان
وكل الآمال
صبحت غابة من الاحزان
الخبر الجانا وماسرانا
الليل الاصبح زي الموت
والصبح الصار بيحاكى الليل
والحمل كبير
ابدا مابنقدر نستحمل
الحمل تقيل
الخبر الجانا وخلى حياتنا دمار
الظلم الكان دايما مستور
الكان مدفون ضمن الاسرار
انفضح السر
انفضح السر واصبحلنا عار
والزول الجاي يستر العار
فارسا مغوار
الاب مجهول
الام مجهولة
الجد مجهول
والكل مجهول
والعرس التمه بلا اخبار
ستروبو العار
يوم الاثنين عقدوا الحبلين
ستروهو العار
والطفل الجاي يتم كل المشوار
5
والبلد الهشة الرعشة
انين مكتوم
والزول الكان راجيهو قبيل
اصبح مظلوم
كل السودان اصبح مظلوم
والموجة الغاضبة بقت ثورة
من اجل الجايع والمحروم
من جوف النيل
يطلع قنديل
يزيل العتمة يضوي الليل
لو كان اكتوبر او مارس
ديسمبر اوكذبة ابريل
يعلو هتاف المظلومين
المسحوقين
ويموج الشارع بالتهليل
الله اكبر يابلد
احد احد
آه يابلد مافيك ولد
يزيل العتمة وينقذ امة
يزيل الظلمة
بفرح جيل
------------------------------
صرخات الغضب العطشانة
تهتف بى اسم الحرية
جنبات الشارع تتكلم
سيطان العنج المخفية
تخرج من كل خباياها
6
تلهب اجسادنا المشوية
اصوات العسكر ترعبنا
تغتال شتلاتنا المروية
وصمودنا يقاوم فى عزة
نيران الهمج الغجرية
جلاد الشعب طفح كيلو
قرر يحكمنا الفجرية
دوشتنا كلابو المسعورة
تنبح وتدور الدورية
تنهش اجسادنا الكملانة
تغتال احلامنا العذرية
اصوات الغبش المعدومين
تترنح عند العصرية
تخرج فى سرعة تشق الليل
ترفع أعلام الحرية
محمد طه منصور

_______________________________________________
معا لنغير وجه العالم .... حتى يليق بنا
avatar
د. محمد طه منصور
المشرف
المشرف

عدد المساهمات : 130
نقاط : 2949
تقييم : 13
تاريخ التسجيل : 18/05/2011
العمر : 56
الموقع : المملكة العربية السعودية - جدة

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى