والله ما زي الغنم

ما لقيت ليك شبه الا القرد ,,,حتي القرد ما بشبهك
بس فيهو من نفسك عرق
غريبة في الموضوع كمان وش القرد بتجلبطي
والشعيرات السلوك بتمشطي
وريني بس فوقك شنو؟؟لا خلقة لا خلقا جميل
مشرورة زي حبل الغسيل
وش السجم ,,جسم الندم,,خشمك اريت لو كان كضم
معدومة من كل النعم حبة عضام من غير لحم
مرات تجينا تتكلوجي,,,ومرات كمان تترنحي
تتبشتني وتتكلوجي,,والقاك في بيت العرس
فوق الضلع بتكنكشي
وشك كعب وشك ردي,,,
وما بتخجلي بتتبرجي تتحنكشي
وتتمنتشي وعلب البدر بتكملي,,,
وياريت كمان لو جابلو شي
وشك عضم وكرعيك تكلوج في المشي
وما بس كدا
عندك مرض كل المجانين
عندك مرض حب الظهور ,,بلا سبب بهجة وسرور
ومرات تفضلي لي النفور
والله ما زي الغنم لكن اظنك كنتي توووووور...
وش زي الضلام اضنينا ما بتسمع كلام
نخرينا زي دفع ورق لكنو بس فاقد الزمام
والله حيرتي الخلق والله حيرتي الانام
وريني بس فوقك شنو
وريني انك بت منو
وريني والدينك منو
شان احكي ليهم انك جد عقاب
لي زنب كانو بيعملو

هيما مختبرات الجزيرة(بعد البت دي شوكشتو) عشان حقوق الملكية الفكرية وكدا