قصيدتي ( خاطرك معاك ماتشيلي هم ) غناء الفنان محمود عبد العزيز

خاطرك معاك ماتشيلى هم

خاطرك معاك ماتشيلى هم
من قلبى بديكى السماح
بنساكى لا اسفا عليكى ولاندم
خاطرك معاك استعجلى
وانسى الزمان بيناتنا كان
ماتزعلى وماتشيلى هم
انا مابلومك او اقول خليك معاي
من غير اسف رحلت خطاي
انا اصلى عارفك من زمان
مابجيكى هم
ولا عمرو يوم انتابك احساس بالندم
اديتك احساسى المثير
اديتك الحب الكتير
وكان املى فيك دايما كبير
لكن خسارة لقيت هواك
معدوم واحساسك وهم
خاطرك معاك ماتشيلى هم
خاطرك معاك خليكى عارفة
انا مامعاك
ولا عمري يوم فكرت اهواك من عدم
فكرت فيك واخلصت ليك
وانا فى هواك
قاسيت مرارة الريده فيك
جربت احساس الالم
خاطرك معاك ماتشيلى هم
وانا بمسحك من دنيتى
لو حتى بى جرة قلم
لو شفت فيك كل العذاب
لو مره فيك
عذبنى احساس الندم
كل المهم بس ترحلى
وانا مامهم
بستنى جرحك يلتئم

د. محمد طه منصور
الشارقة 29/11/2005م

من طرف **شواطى البرغوثى** السبت مايو 28, 2011 7:33 pm

وانته كمان ما تشيل هم خلى قلبك معاى والله ما بتندم
ما اصلى اشتقتة ليك وكتبتة ليك قدر المسافة البيناء والشوق والحنيين
اشتقتة ليك راجى القدر يجمعنى بيك
يطوى المسافات و السنين عايش على امل القاء وبعض الشفاء فى دنياء
ما بتعرف تلين
نتلاقة فى وضح الصباح وقلوبناء تلقة الارتياح
دنياناء تجد الانشراح وننساهاء ايام الانيين

تسلم دكتور.............
وبوصيك ما تشيل هم

شكرا اخي العزيز شواطى وصدقنى من يوم عرفتكم ماشلت هم ... كلماتك جميله ومعبره وبالجد فيك ملامح شاعر قادم بقوة باذن الله.. لك عاطر الود والتحايا

الأحد	الإثنين	الثلاثاء	الأربعاء	الخميس	الجمعة	السبت
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30

قصيدتي ( خاطرك معاك ماتشيلي هم ) غناء الفنان محمود عبد العزيز

قصيدتي ( خاطرك معاك ماتشيلي هم ) غناء الفنان محمود عبد العزيز

رد: قصيدتي ( خاطرك معاك ماتشيلي هم ) غناء الفنان محمود عبد العزيز

رد: قصيدتي ( خاطرك معاك ماتشيلي هم ) غناء الفنان محمود عبد العزيز