بين ظنونك والمسافة

بين ظنونك والمسافة

1

بين ظنونك والمسافة
من ظنونك 000
ياحبيبى بخاف عليك
كلما اتقدمنا خطوة
المح الشك فى عينيك
والمسافة البينا تبعد
بعد مااقرب اليك
تانى نرجع
خطوة خطوة
ننسى خطواتنا اللى كانت
ونمشى من اول طريق
كلما عديت مسافة
وكلما قربت ليك
تدينى احساس
انى مااقدر اجيك
تكسر الصمت اللى بينا
تانى بتزيد المسافة
وانت ماهاميك كتير
وزى كانك ماعليك
بظنونك بشكوكك
ياحبيبى ياما بتعذب كتير
وانت عارف الغربة صعبة
والظنون بتزيد عذاب الغربة اكتر
وقلبى من كترة شكوكك
للهموم اصبح اسير
بعد مااقرب اليك
يبقى مشوارك طويل
فيكا يتزايد عذابى
2

ودربك البمشيهو كنتا
يبقى زي المستحيل
انتا ليه ياروحى دايما
كلما قربت ليك
تمشى ترجع
للكلام الكان قبيل
ليه بترسم فى خيالك
حاجة ماخطرت ببالى
ولا ببالك
ليه بتسال عنى تانى
وليه بكون محور سؤالك
وانت ابسط حاجة انك
لسه ماقادر تصدق
انى عايش جوه فيك
حتى لو كان فى خيالك
وبرضو عارف
انى جنبك وبين ايديك
انته لو عايز تصدق
كل شكوكك واتهامك
مابلومك انته صدق
بس وحات كل اللى كان
بيناتنا يوم
منى ماتقطع سلامك
وماتفكر تقسى يوم
على قلب انسان بريدك
وشايلو ريدك
عمرو مافكر يريد
3
انسان سواك
او يفكر تانى يلقي
انسان يعادل مستواك
انته روح عمرى البريدو
انته اجمل حلم كان
تانى مابقدر اعيدو
كنته بلسم لجروجى
وبرضو مابتقدر تصدق
لو اقولك
كنته نفسي وكنته روحى
وثورة الشك اللى فيك
حطمت احساسى كلو
وبرضو اسمح لى اقولك
انو ظنك كان غلط
وعمرو ماكان فى محلو
ياحبيبى ونور عيونى
لو جرحتك يوم بكلمة
كلمة مست كبريائك
وكرامتك او مشاعرك
مااظنك يوم تصدق
انى بجرح لى مشاعرى
وانته عارف نفسي فيك
كلمتى المست مشاعرك
وغيرت كل حبى ليك
انا كتير ندمان عليها
وجيت اقدم عذرى ليك
انته عارف ياحبيبى
كم بحبك وكم بشوف الدنيا فيك
4
دنيا من غيرك حزينة
دنيا من غيرك ظلام
لو اعيش فى الدنيا غيرك
ان شاء الله مااتهنى يوم
ولا اشوف الابتسام
ولو اعيش فى الدنيا غيرك
ان شاء الله مااشوف السعادة
وماتحس فينى المشاعر
ولا اضوق معنى الغرام
ويبقى لون الدنيا اسود فى عيونى
ومااشوف غير الظلام
وافقد احساس المحبة
وافقد الناس الاحبة
ان شاء الله اتبكم وافقد
كل قدرة على الكلام
بس حبيبى وحات عيونك
تعال قريب
تعال وقول كلمة سلام
سيب مخاوفك
سيب ظنونك
انته عارف
انا بحبك ومابخونك
انته عارفنى ومجرب
مستحيل انساهو طعمك
ومستحيل انساهو لونك
ومستحيل الدنيا تحلى
وتبقى احلى
لو فقدت سواد عيونك
5
ومااظن فى يوم حااقدر
احيا من غيرك وبدونك
انا بحبك وبيك بعيش
انته دمى الفى وريدي
بيجرى فى لحظات سكونك
انته احساسى البحسو
سايبو ظاهر مابدسو
من هواجسك ومن ظنونك
انته احساس ماطبيعى
ياخريف عمرى وربيعى
شان بريدك ومشتريك
ليه ترخصى لى تبيعى
ليه بتحرقنى بظنونك
بى مخاوفك ليه تضيع
وابقى داير فى مدارك
واسالك مليون سؤال
بس وحاتك
لحظة مابحمل سؤالك
وفى الختام بوصيك واقولك
ابقه عشرة على حبيبك
وابقه عشرة عليهو حالك
واوعى ماتنسى الوصية
وماتفكر فيهو ريدك
اصلو حال الدنيا دايما
زول تريدو و زول يريدك
انت فكر بى عقل
وقدر الزول البريدك
قدر الزول البريدك

الأحد	الإثنين	الثلاثاء	الأربعاء	الخميس	الجمعة	السبت
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30